ਉੱਘੇ ਗਾਇਕ ਸਿੱਧੂ ਮੂਸੇਵਾਲਾ ਕਤਲ ਕਾਂਡ ਦੇ ਮਾਮਲੇ ‘ਚ ਬੰਬੀਹਾ ਗੈਂਗ ਨੇ ਕੈਨੇਡਾ ਬੈਠੇ ਗੈਂਗਸਟਰ ਗੋਲਡੀ ਬਰਾੜ ਨੂੰ ਚੈਲੰਜ ਕੀਤਾ ਹੈ। ਬੰਬੀਹਾ ਗਰੁੱਪ ਨੇ ਫੇਸਬੁੱਕ ‘ਤੇ ਇਕ ਪੋਸਟ ਸਾਂਝੀ ਕੀਤੀ ਹੈ ਜਿਸ ‘ਚ ਗੋਲਡੀ ਬਰਾੜ ਨੂੰ ਪੰਜਾਬ ਆ ਕੇ ਗੱਲ ਕਰਨ ਦਾ ਚੈਲੰਜ ਕੀਤਾ ਗਿਆ ਹੈ। ਕਿਹਾ ਗਿਆ ਹੈ ਕਿ ਜੇਕਰ ਗੋਲਡੀ ਬਰਾੜ ‘ਚ ਦਮ ਹੈ ਤਾਂ ਉਹ ਪੰਜਾਬ ਆ ਕੇ ਗੱਲ ਕਰੇ ਵਿਦੇਸ਼ ਬੈਠ ਕੇ ਗੱਲਾਂ ਨਾ ਕਰੇ। ਬੰਬੀਹਾ ਗਰੁੱਪ ਨੇ ਕਿਹਾ ਕਿ ਹੈ ਕਿ ਅਸੀਂ ਮੂਸੇਵਾਲਾ ਦੇ ਕਤਲ ਦਾ ਬਦਲਾ ਲਵਾਂਗੇ। ਮੂਸੇਵਾਲਾ ਦਾ ਸਾਡੇ ਨਾਲ ਕੋਈ ਲਿੰਕ ਨਹੀਂ ਸੀ ਪਰ ਬੇਕਸੂਰ ਮੂਸੇਵਾਲਾ ਨੂੰ ਮਾਰ ਕੇ ਉਸ ਨੂੰ ਬੰਬੀਹਾ ਗੈਂਗ ਦਾ ਦੱਸ ਕੇ ਗੋਲਡੀ ਬਰਾੜ ਨੇ ਜਿਹੜੀ ਸਾਜ਼ਿਸ਼ ਰਚੀ ਹੈ, ਉਸ ਦਾ ਭੁਗਤਾਨ ਕਰਨਾ ਪਵੇਗਾ। ਬੰਬੀਹਾ ਗੈਂਗ ਨੇ ਸ਼ਰ੍ਹੇਆਮ ਗੋਲਡੀ ਬਰਾੜ ਨੂੰ ਪੰਜਾਬ ਆਉਣ ਦਾ ਚੈਲੰਜ ਕੀਤਾ ਹੈ। ਬੰਬੀਹਾ ਗਰੁੱਪ ਨੇ ਲਿਖਿਆ ਕਿ ਗੋਲਡੀ ਬਰਾੜ ਦੇ ਭਰਾ ਦਾ ਕਤਲ 2020 ‘ਚ ਚੱਕਾ ਜੈਤੋ ਅਤੇ ਮਾਨ ਜੈਤੋ ਵਲੋਂ ਕੀਤਾ ਗਿਆ ਸੀ। ਬੰਬੀਹਾ ਗੈਂਗ ਨੇ ਲਿਖਿਆ ਕਿ ਅਸੀਂ ਅੱਜ ਤੱਕ ਕੋਈ ਨਜਾਇਜ਼ ਕੰਮ ਨਹੀਂ ਕੀਤਾ ਅਤੇ ਨਾ ਹੀ ਕਰਨਾ ਹੈ। ਸਾਡੀ ਪੁਰਾਣੀ ਦੁਸ਼ਮਣੀ ਅਤੇ ਮੁੱਦੇ ਹਨ। ਅਸੀਂ ਜੋ ਵੀ ਕਰਦੇ ਹਾਂ ਆਪਣੇ ਭਾਰਾਵਾਂ ਦਾ ਬਦਲਾ ਲੈਣ ਲਈ ਕਰਦੇ ਹਾਂ। ਜਿਹੜੇ ਸਾਡੇ ਦੁਸਮਣ ਹਨ, ਸਿਰਫ ਉਨ੍ਹਾਂ ਨਾਲ ਸਾਡਾ ਵੈਰ ਹੇ, ਬਾਕੀ ਕਿਸੇ ਨਾਲ ਕੋਈ ਪੰਗਾ ਨਹੀਂ ਹੈ। ਜਿਵੇਂ ਗੋਲਡੀ ਬਰਾੜ ਨੇ ਸਿੱਧੂ ਮੂਸੇਵਾਲਾ ਨੂੰ ਬਿਨਾਂ ਕਿਸੇ ਗੱਲ ਤੋਂ ਸਾਡੇ ਗਰੁੱਪ ਨਾਲ ਜੋੜ ਕੇ ਮਾਰ ਦਿੱਤਾ, ਬਿਲਕੁਲ ਨਜਾਇਜ਼ ਸੀ। ਫਿਰ ਸਿੱਧੂ ਦੇ ਮੌਤ ਨੂੰ ਸਹੀ ਸਾਬਤ ਕਰਨ ਲਈ ਕੌਮ, ਪੰਥ ਅਤੇ ਸੰਤਾਂ ਦੇ ਨਾਮ ਦਾ ਸਹਾਰਾ ਲਿਆ। ਗੋਲਡੀ ਨੂੰ ਕਹਿਣਾ ਚਾਹੁੰਦੇ ਹਾਂ ਕਿ ਜੇ ਉਹ ਆਪਣੇ ਭਰਾ ਦੀ ਮੌਤ ਦਾ ਬਦਲਾ ਸਾਡੇ ਤੋਂ ਲੈਣਾ ਚਾਹੁੰਦਾ ਹੈ ਤਾਂ ਪੰਜਾਬ ਆਵੇ। ਜੇ ਸੱਚ ‘ਚ ਮਰਦ ਹੈ ਤਾਂ ਆਪਣੇ ਭਰਾ ਦੀ ਮੌਤ ਦਾ ਬਦਲਾ ਦੇ ਨਾਮ ‘ਤੇ ਬੇਕਸੂਰ ਲੋਕਾਂ ਨੂੰ ਨਾ ਮਾਰੇ। ਪੰਜਾਬ ‘ਚ ਹੀ ਮਿਲਾਂਗੇ। ਮੁਕਾਬਲਾ ਆਹਮੋ-ਸਾਹਮਣੇ ਹੋਵੇਗਾ। ਫਿਰ ਗੋਲਡੀ ਨੂੰ ਦੱਸ ਦਿਆਂਗੇ ਕਿ ਬਦਲਾ ਕਿਵੇਂ ਲਿਆ ਜਾਂਦਾ ਹੈ। ‘ਗੱਲਾਂ ਤੂੰ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਕਰਦਾ ਹੈਂ, ਉਨ੍ਹਾਂ ਨੇ ਕਦੇ ਕੋਈ ਗ਼ਲਤ ਕੰਮ ਨਹੀਂ ਕੀਤਾ ਸੀ। ਤੁਸੀਂ ਪੰਥ, ਸੰਤ ਅਤੇ ਕੌਮ ਦੀ ਗੱਲ ਕਰ ਰਹੇ ਹੋ ਲਾਹਣਤ ਹੈ ਤੁਹਾਡੇ ਵਰਗਿਆਂ ‘ਤੇ। ਮਰਨਾ ਮੌਤ ਨਹੀਂ ਹੁੰਦਾ ਪਰ ਜ਼ਮੀਨ ਦਾ ਮਰ ਜਾਣਾ ਮੌਤ ਹੁੰਦਾ ਹੈ। ਇਹ ਬੋਲ ਵੀ ਉਨ੍ਹਾਂ ਦੇ ਸਨ, ਪਰ ਤੁਹਾਡਾ ਜ਼ਮੀਨ ਮਰ ਚੁੱਕਾ ਹੈ। ਸਿੱਧੂ ਨੂੰ ਮਾਰ ਦਿੱਤਾ, ਹੁਣ ਉਸ ਦੇ ਪਰਿਵਾਰ ਨੂੰ ਧਮਕੀਆਂ ਦੇਣ ‘ਤੇ ਆ ਗਏ। ਇਕ ਗੱਲ ਯਾਦ ਰੱਖਿਓ ਪਰਿਵਾਰ ਸਭ ਦੇ ਹਨ ਅਤੇ ਸਾਰਿਆਂ ਦੇ ਪਰਿਵਾਰ ਪੰਜਾਬ ‘ਚ ਹਨ। ਬੇਸ਼ੱਕ ਤੁਸੀਂ ਬਾਹਰ ਬੈਠੇ ਹੋ ਪਰ ਯਾਦ ਰੱਖਣਾ। 100 ਵਾਰ ਸੋਚ ਲੈਣਾ। ਜੇ ਸਾਡੇ ਕਿਸੇ ਵੀ ਸਾਥੀ ਦੇ ਪਰਿਵਾਰ ਨਾਲ ਕੁੱਝ ਗ਼ਲਤ ਹੋਇਆ ਤਾਂ ਅੰਜਾਮ ਤੁਹਾਡਾ ਵੀ ਬਿਲਕੁਲ ਵੈਸਾ ਹੀ ਹੋਵੇਗਾ। ਅੰਜਾਮ ਤੁਹਾਡਾ ਵੀ ਉਹੋ ਹੋਵੇਗਾ ਜੋ ਤੁਸੀਂ ਦੂਜੇ ਨਾਲ ਕਰੋਗੇ। ਫਿਰ ਅਸੀਂ ਕਹਿਣਾ ਨਹੀਂ ਸਿੱਧਾ ਕਰਕੇ ਵਿਖਾਵਾਂਗੇ। ਕੁੱਝ ਲੋਕ ਕਹਿੰਦੇ ਹਨ ਕਿ ਸਿੱਧੂ ਦਾ ਜੇ ਬੰਬੀਹਾ ਗਰੁੱਪ ਨਾਲ ਕੋਈ ਸੰਬੰਧ ਨਹੀਂ ਸੀ ਤਾਂ ਬੰਬੀਹਾ ਗਰੁੱਪ ਬਦਲਾ ਲੈਣ ਦੀ ਗੱਲ ਕਿਉਂ ਕਰਦਾ ਹੈ ਤਾਂ ਦੱਸ ਦਿੰਦੇ ਹਾਂ ਅਸੀਂ ਆਪਣੇ ਸਾਥੀ ਲਈ ਤਿੰਨ ਕਤਲ ਕਰ ਸਕਦੇ ਹਾਂ। ਸਿੱਧੂ ਮੂਸੇਵਾਲਾ ਦਾ ਜ਼ਬਰੀ ਸਾਡੇ ਨਾਲ ਨਾਂ ਜੋੜ ਹੀ ਦਿੱਤਾ ਹੈ ਤਾਂ ਬਦਲਾ ਲੈਣਾ ਤਾਂ ਹੁਣ ਬਣਦਾ ਹੀ ਹੈ।’
