ਸਰੀ ਸ਼ਹਿਰ ਦੀ ਪੰਜਾਬੀ ਮੂਲ ਦੀ ਬਾਸਕਟਬਾਲ ਦੀ ਖਿਡਾਰਨ ਹਰਲੀਨ ਕੌਰ ਸਿੱਧੂ ਦੇ ਜੀਵਨ ‘ਤੇ ਕੇਂਦਰਿਤ ‘ਪ੍ਰੈਸ ਬ੍ਰੇਕਰ’ ਨਾਂਅ ਦੀ ਡਾਕੂਮੈਂਟਰੀ ਫ਼ਿਲਮ ਬਣਾਈ ਗਈ ਹੈ। ਹਰਲੀਨ ਕੌਰ ਨੇ ਯੂ.ਐੱਸ. ‘ਚ ਬਾਸਕਟਬਾਲ ਦਾ ਇਤਿਹਾਸ ਰਚਿਆ। ਅਮਰੀਕਾ ਦੀ ਨੈਸ਼ਨਲ ਐਥਲੈਟਿਕ ਦੇ ਹੋਏ ਮੁਕਾਬਲਿਆਂ ‘ਚ ਹਿੱਸਾ ਲੈ ਕੇ ਇਸ ਪਹਿਲੀ ਪੰਜਾਬਣ ਨੇ ਪੂਰੀ ਦੁਨੀਆਂ ‘ਚ ਭਾਈਚਾਰੇ ਦਾ ਨਾਂ ਰੌਸ਼ਨ ਕੀਤਾ ਸੀ। ਹਰਲੀਨ ਬਾਸਕਟਬਾਲ ਖੇਡਣ ਵਾਲੀ ਪਹਿਲੀ ਦੱਖਣ ਏਸ਼ੀਅਨ ਕੈਨੇਡੀਅਨ ਹੈ। ਇਸ ਦਸਤਾਵੇਜ਼ੀ ਫ਼ਿਲਮ ‘ਚ ਦੱਸਿਆ ਗਿਆ ਹੈ ਕਿ ਕਿਵੇਂ ਹਰਲੀਨ ਸਿੱਧੂ ਸਰੀ ‘ਚ ਸ਼ੁਰੂਆਤ ਤੋਂ ਲੈ ਕੇ ਅਮਰੀਕਾ ‘ਚ ਬਾਸਕਟਬਾਲ ਇਤਿਹਾਸ ਬਣਾਉਣ ਲਈ ਵੱਡੀ ਹੋਈ। ‘ਪ੍ਰੈਸ ਬ੍ਰੇਕਰ’ ਡਾਕੂਮੈਂਟਰੀ ਹਰਲੀਨ ਸਿੱਧੂ ਦੀ ਕਹਾਣੀ ਦੱਸਦੀ ਹੈ। ਦਸਤਾਵੇਜ਼ੀ ਫਿਲਮ ਐਨ.ਸੀ.ਏ.ਏ. ਡਿਵੀਜ਼ਨ 1 ‘ਚ ਬਾਸਕਟਬਾਲ ਖੇਡਣ ਵਾਲੀ ਉਸ ਦੇ ਪਹਿਲੀ ਦੱਖਣੀ ਏਸ਼ੀਅਨ ਕੈਨੇਡੀਅਨ ਬਣਨ ਦੇ ਨਾਲ-ਨਾਲ ਲੀਗ ਦੀ ਪਹਿਲੀ ਪੰਜਾਬੀ ਔਰਤ ਬਣਨ ਦੀ ਉਸ ਦੀ ਯਾਤਰਾ ਬਾਰੇ ਦੱਸਦੀ ਹੈ। 22 ਮਿੰਟ ਦੀ ਇਹ ਡਾਕੂਮੈਂਟਰੀ ਕੈਨੇਡਾ ਦੇ ਕੌਮੀ ਟੀ.ਵੀ. ਚੈਨਲਾਂ ‘ਤੇ ਵਿਖਾਈ ਜਾਵੇਗੀ।
