ਜਰਮਨੀ ਦੇ ਹੈਮਬਰਗ ਸ਼ਹਿਰ ‘ਚ ਯਹੋਵਾ ਵਿਟਨੈੱਸ ਕਿੰਗਡਮ ਹਾਲ ‘ਚ ਹੋਈ ਫਾਇਰਿੰਗ ‘ਚ ਘੱਟੋ-ਘੱਟ 7 ਲੋਕਾਂ ਦੀ ਮੌਤ ਹੋ ਗਈ। ਮੀਡੀਆ ਨੇ ਇਹ ਰਿਪੋਰਟ ਦਿੱਤੀ ਹੈ ਕਿ ਯਹੋਵਾ ਵਿਟਨੈੱਸ ਇਕ ਅੰਤਰਰਾਸ਼ਟਰੀ ਚਰਚ ਦਾ ਹਿੱਸਾ ਹਨ। ਅਮਰੀਕਾ ‘ਚ 19ਵੀਂ ਸਦੀ ‘ਚ ਇਸ ਦੀ ਸਥਾਪਨਾ ਕੀਤੀ ਗਈ ਸੀ। ਇਸ ਦਾ ਮੁੱਖ ਦਫਤਰ ਨਿਊਯਾਰਕ ਦੇ ਵਾਰਵਿਕ ‘ਚ ਹੈ। ਜਰਮਨ ਅਖ਼ਬਾਰ ਹੈਮਬਰਗਰ ਮੋਰਗਨਪੋਸਟ ਮੁਤਾਬਕ ਹੈਮਬਰਗ ਦੇ ਏਲਸਟਰਡੋਰਫ ਕੁਆਰਟਰ ‘ਚ ਸਥਾਨਕ ਸਮੇਂ ਮੁਤਾਬਕ ਰਾਤ ਕਰੀਬ 9 ਵਜੇ ਹੋਈ ਫਾਇਰਿੰਗ ‘ਚ ਘੱਟੋ-ਘੱਟ 7 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਏ। ਰਿਪੋਰਟ ‘ਚ ਦੱਸਿਆ ਗਿਆ ਹੈ ਕਿ ਪੁਲੀਸ ਅਤੇ ਬਚਾਅ ਦਲ ਮੌਕੇ ‘ਤੇ ਪਹੁੰਚ ਗਏ ਹਨ। ਸ਼ੂਟਰ ਅਜੇ ਤੱਕ ਫੜਿਆ ਨਹੀਂ ਗਿਆ ਹੈ ਅਤੇ ਉਹ ਫਰਾਰ ਹੈ।
