ਗੁਰੂ ਹਰਸਹਾਏ ਨੇੜਲੇ ਪਿੰਡ ਦੇ ਵਸਨੀਕ ਅਤੇ ਮੁਹਾਲੀ ਰਹਿ ਕੇ ਕ੍ਰਿਕਟ ਸਿਖਲਾਈ ਲੈਣ ਮਗਰੋਂ ਭਾਰਤੀ ਟੀਮ ‘ਚ ਥਾਂ ਬਣਾਉਣ ਵਾਲੇ ਉੱਭਰਦੇ ਕ੍ਰਿਕਟਰ ਸੁ਼ਭਮਾਨ ਗਿੱਲ ਦੇ ਇਨ੍ਹੀਂ ਦਿਨੀਂ ਅਦਾਕਾਰਾ ਸਾਰਾ ਅਲੀ ਖਾਨ ਨਾਲ ਡੇਟਿੰਗ ਦੇ ਚਰਚੇ ਹੋ ਰਹੇ ਹਨ। ਸਾਰਾ ਅਦਾਕਾਰ ਸੈਫ ਅਲੀ ਖਾਨ ਤੇ ਉਸਦੀ ਪਹਿਲੀ ਪਤਨੀ ਅੰਮ੍ਰਿਤਾ ਸਿੰਘ ਦੀ ਧੀ ਹੈ। ਸ਼ੁਭਮਾਨ ਤੇ ਸਾਰਾ ਦੋਵਾਂ ਦੀ ਇਕ ਰੈਸਟੋਰੈਂਟ ‘ਚ ਖਾਣਾ ਖਾਂਦਿਆਂ ਦੀ ਵੀਡੀਓ ਵਾਇਰਲ ਹੋਈ ਹੈ। ਇਹ ਵੀਡੀਓ ਉਜ਼ਮਾ ਮਰਚੈਂਟ ਨੇ ਜਾਰੀ ਕੀਤੀ ਹੈ ਜਿਸ ਵੱਲੋਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸ਼ੁਭਮਨ ਤੇ ਸਾਰਾ ਮੁੰਬਈ ਦੇ ਇਕ ਰੈਸਟੋਰੈਂਟ ‘ਚ ਖਾਣਾ ਖਾ ਰਹੇ ਹਨ। ਸੋਸ਼ਲ ਮੀਡੀਆ ‘ਤੇ ਦੋਵਾਂ ਦੇ ਚਾਹੁਣ ਵਾਲਿਆਂ ਵੱਲੋਂ ਟਿੱਪਣੀਆਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਇਕ ਪ੍ਰਸ਼ੰਸਕ ਕਹਿ ਰਿਹਾ ਹੈ ਕਿ ਵੀਡੀਓ ‘ਚ ਇਹ ਸਪਸ਼ਟ ਨਹੀਂ ਹੋ ਰਿਹਾ ਕਿ ਇਹ ਤਸਵੀਰ ਕਿੱਥੋਂ ਦੀ ਹੈ ਪਰ ਇਨ੍ਹਾਂ ਦੋਵਾਂ ਦੇ ਲੰਡਨ ਜਾਂ ਡੁਬਈ ‘ਚ ਹੋਣ ਦੇ ਵੀ ਚਰਚੇ ਹਨ। ਭਾਰਤੀ ਟੀਮ ਇਸ ਵੇਲੇ ਯੂ.ਏ.ਈ. ‘ਚ ਏਸ਼ੀਆ ਕੱਪ ਦਾ ਹਿੱਸਾ ਹੈ ਪਰ ਸ਼ੁਭਮਨ ਗਿੱਲ ਇਸ ਵੇਲੇ ਭਾਰਤੀ ਟੀਮ ਦਾ ਹਿੱਸਾ ਨਹੀਂ ਹੈ। ਇਸ ਤੋਂ ਪਹਿਲਾਂ ਸ਼ੁਭਮਨ ਦੇ ਭਾਰਤੀ ਸਟਾਰ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਦੀ ਧੀ ਸਾਰਾ ਤੇਂਦੁਲਕਰ ਨਾਲ ਦੋਸਤੀ ਦੀਆਂ ਖ਼ਬਰਾਂ ਸਨ ਪਰ ਹੁਣ ਇਨ੍ਹਾਂ ਦੋਵਾਂ ਦੀ ਦੋਸਤੀ ਟੁੱਟਣ ਦੀਆਂ ਖ਼ਬਰਾਂ ਵੀ ਆ ਰਹੀਆਂ ਹਨ ਕਿਉਂਕਿ ਦੋਵਾਂ ਨੇ ਇੰਸਟਾਗਰਾਮ ‘ਤੇ ਇਕ ਦੂਜੇ ਨੂੰ ਅਨਫਾਲੋ ਕਰ ਦਿੱਤਾ ਹੈ। ਇਕ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ ਹੈ ਕਿ ਸ਼ੁਭਮਨ ਗਿੱਲ ਦਾ ਝੁਕਾਅ ਹੁਣ ਸਾਰਾ ਤੇਂਦੁਲਕਰ ਤੋਂ ਸਾਰਾ ਅਲੀ ਖਾਨ ਵੱਲ ਹੋ ਗਿਆ ਹੈ। ਇਕ ਹੋਰ ਨੇ ਕਿਹਾ ਕਿ ਮਹਾਨ ਕ੍ਰਿਕਟਰ ਦੀ ਧੀ ਨਾਲ ਦੋਸਤੀ ਤੋਂ ਬਾਅਦ ਮਹਾਨ ਕ੍ਰਿਕਟਰ ਦੀ ਪੋਤੀ ਨਾਲ ਦੋਸਤੀ ਦੇ ਚਰਚੇ।
