ਦੁਨੀਆਂ ਭਰ ‘ਚ ਮੰਦੀ ਹੈ ਅਤੇ ਇਸ ਤੋਂ ਵੱਖ-ਵੱਖ ਦੇਸ਼ਾਂ ‘ਚ ਵੱਸਦੇ ਇੰਡੀਅਨ ਵੀ ਅਸਰਅੰਦਾਜ਼ ਹਨ। ਪਰ ਅਮਰੀਕਾ ‘ਚ ਮੰਦੀ ਦੀ ਆਹਟ ਵਿਚਾਲੇ ਔਸਤ 1,00,500 ਡਾਲਰ ਦੀ ਪਰਿਵਾਰਕ ਆਮਦਨ ਅਤੇ 70 ਫੀਸਦੀ ਗ੍ਰੈਜੂਏਟਸ ਨਾਲ ਦੌਲਤ ਤੇ ਕਾਲਜ ਸਿੱਖਿਆ ਦੇ ਮਾਮਲੇ ‘ਚ ਅਮਰੀਕਾ ‘ਚ ਇੰਡੀਅਨ ਹੋਰ ਭਾਈਚਾਰਿਆਂ ਦੀ ਤੁਲਨਾ ‘ਚ ਅੱਗੇ ਹਨ। ਇਕ ਸਰਵੇ ਮੁਤਾਬਕ ਅਮਰੀਕਾ ‘ਚ ਰਹਿ ਰਹੇ ਇੰਡੀਅਨ ਲੋਕਾਂ ਦੀ ਔਸਤ ਆਮਦਨ ਇਕ ਲੱਖ ਡਾਲਰ ਪ੍ਰਤੀ ਪਰਿਵਾਰ ਤੋਂ ਉੱਪਰ ਹੈ। ਯੂ.ਐੱਸ. ਜਨਗਣਨਾ ਬਿਊਰੋ ਦੀ ਰਿਪੋਰਟ ਮੁਤਾਬਕ ਭਾਰਤੀ ਪਰਿਵਾਰਾਂ ਦੀ ਆਮਦਨ 100,500 ਡਾਲਰ ਹੈ। ਇਸ ਤੋਂ ਬਾਅਦ ਫਿਲਪੀਨ, ਤਾਈਵਾਨ, ਸ੍ਰੀਲੰਕਾ ਤੇ ਜਾਪਾਨ ਦਾ ਨੰਬਰ ਹੈ। ਜਿਥੇ ਕ੍ਰਮਵਾਰ ਆਮਦਨ ਫਿਲਪੀਨ 89,300, ਤਾਈਵਾਨ 82,500, ਸ੍ਰੀਲੰਕਾ 74,600, ਜਾਪਾਨ 72,300 ਪਰਿਵਾਰ ਪ੍ਰਤੀ ਡਾਲਰ ਹੈ। ਉਥੇ ਹੀ ਚੀਨ ਦੀ ਪ੍ਰਤੀ ਪਰਿਵਾਰ ਔਸਤ ਆਮਦਨ 69,100 ਡਾਲਰ ਹੈ। ਹਾਲਾਂਕਿ ਪਹਿਲਾਂ ਦੇ ਮੁਕਾਬਲੇ ਸਾਰੇ ਦੇਸ਼ਾਂ ਦੀ ਆਮਦਨ ‘ਚ ਗਿਰਾਵਟ ਆਈ ਹੈ। ਪਿਛਲੇ ਸਾਲ ਜਾਰੀ ਕੀਤੀ ਗਈ ਰਿਪੋਰਟ ਦੇ ਅਨੁਸਾਰ ਅਮਰੀਕਾ ‘ਚ ਔਸਤ 1,23,700 ਦੀ ਪਰਿਵਾਰਕ ਆਮਦਨ ਸੀ ਅਤੇ 79 ਫੀਸਦੀ ਗ੍ਰੈਜੂਏਟ ਸਨ। ਪਿਛਲੇ ਤਿੰਨ ਦਹਾਕਿਆਂ ‘ਚ ਅਮਰੀਕਾ ‘ਚ ਏਸ਼ੀਅਨ ਵਜੋਂ ਪਛਾਣੇ ਜਾਣ ਵਾਲੇ ਲੋਕਾਂ ਦੀ ਗਿਣਤੀ ਲੱਗਭਗ ਤਿੰਨ ਗੁਣਾ ਹੋ ਗਈ ਹੈ। ਏਸ਼ੀਅਨ ਹੁਣ ਅਮਰੀਕਾ ਦੇ ਚਾਰ ਸਭ ਤੋਂ ਵੱਡੇ ਨਸਲੀ ਅਤੇ ਨਸਲੀ ਸਮੂਹਾਂ ‘ਚੋਂ ਸਭ ਤੋਂ ਤੇਜ਼ੀ ਨਾਲ ਵਧ ਰਹੇ ਹਨ।
