ਇੰਡੀਆ ਦੀ ਫ੍ਰੀਸਟਾਈਲ ਕੁਸ਼ਤੀ ਟੀਮ ਨੇ ਵਰਲਡ ਅੰਡਰ-20 ਚੈਂਪੀਅਨਸ਼ਿਪ ‘ਚ ਆਪਣਾ ਹੁਣ ਤੱਕ ਦਾ ਸਰਵਸ਼੍ਰੇਸ਼ਠ ਪ੍ਰਦਰਸ਼ਨ ਕਰਦੇ ਹੋਏ ਇਕ ਚਾਂਦੀ ਅਤੇ ਛੇ ਕਾਂਸੀ ਸਮੇਤ 7 ਤਗ਼ਮੇ ਹਾਸਲ ਕੀਤੇ। ਇੰਡੀਆ 112 ਅੰਕਾਂ ਦੇ ਨਾਲ ਫ੍ਰੀਸਟਾਈਲ ਟੀਮ ਰੈਂਕਿੰਗ ‘ਚ ਤੀਜੇ ਸਥਾਨ ‘ਤੇ ਰਿਹਾ ਜਦਕਿ ਇਰਾਨ (159) ਅਤੇ ਅਮਰੀਕਾ (132) ਨੇ ਪਹਿਲਾ ਅਤੇ ਦੂਜਾ ਸਥਾਨ ਹਾਸਲ ਕੀਤਾ। ਇਹ ਜੂਨੀਅਰ ਚੈਂਪੀਅਨਸ਼ਿਪ ‘ਚ ਇੰਡੀਆ ਦਾ ਸਰਵਸ਼੍ਰੇਸ਼ਠ ਪ੍ਰਦਰਸ਼ਨ ਹੈ। 2021 ‘ਚ ਇੰਡੀਆ 101 ਅੰਕ ਦੇ ਨਾਲ 5ਵੇਂ ਸਥਾਨ ‘ਤੇ ਰਿਹਾ ਸੀ। ਇੰਡੀਆ ਦਾ ਇਕਲੌਤਾ ਚਾਂਦੀ ਤਗ਼ਮਾ ਮਹੇਂਦਰ ਗਾਇਕਵਾੜ ਨੇ ਜਿੱਤਿਆ। ਮਹੇਂਦਰ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਫਾਈਨਲ ਤੱਕ ਪਹੁੰਚਿਆ ਜਿੱਥੇ ਇਰਾਨ ਦੇ ਆਮਿਰੇਜਾ ਫਰਦੀਨ ਮਾਸੂਮੀ ਨੇ ਉਸ ਨੂੰ ਤਕਨੀਕੀ ਸ਼੍ਰੇਸ਼ਠਾ ਦੇ ਆਧਾਰ ‘ਤੇ 13-2 ਨਾਲ ਹਰਾਇਆ। ਜੂਨੀਅਰ ਏਸ਼ੀਅਨ ਚੈਂਪੀਅਨਸ਼ਿਪ ਦੇ ਸਿਲਵਰ ਮੈਡਲਿਸਟ ਗਾਇਕਵਾੜ ਨੇ ਕੁਆਰਟਰ ਫਾਈਨਲ ‘ਚ ਤੁਕ੍ਰੀਏ ਦੇ ਆਦਿਲ ਮਿਸਿਰਸੀ ਨੂੰ 6-4 ਨਾਲ ਹਰਾਇਆ ਸੀ ਜਦ ਕਿ ਸੈਮੀਫਾਈਨਲ ‘ਚ ਉਸ ਨੇ ਉਜਬੇਕੀਸਤਾਨ ਦੇ ਨਾਮੋਜ ਅਦਬੂਰਾਸ਼ਿਦੋਵ ਨੂੰ 6-0 ਨਾਲ ਹਰਾਇਆ ਸੀ। ਇਸ ਤੋਂ ਇਲਾਵਾ ਮੋਹਿਤ ਕੁਮਾਰ (61 ਕਿਲੋਗ੍ਰਾਮ) ਅਤੇ ਸਾਗਰ ਜਗਲਾਨ (74 ਕਿਲੋਗ੍ਰਾਮ) ਨੇ ਵੀ ਕਾਂਸੀ ਤਗ਼ਮਾ ਜਿੱਤਿਆ।
