ਇੰਡੀਆ ਅਤੇ ਇੰਗਲੈਂਡ ਦਰਮਿਆਨ ਮਹਿਲਾ ਅੰਡਰ-19 ਟੀ-20 ਵਰਲਡ ਕੱਪ 2023 ਦਾ ਫਾਈਨਲ ਮੈਚ ਦੱਖਣੀ ਅਫਰੀਕਾ ਦੇ ਪੋਚੇਫਸਟਰੂਮ ਵਿਖੇ ਖੇਡਿਆ ਗਿਆ। ਮੈਚ ‘ਚ ਇੰਡੀਆ ਨੇ ਆਪਣੀਆਂ ਗੇਂਦਬਾਜ਼ਾਂ ਤੇ ਬੱਲੇਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਇੰਗਲੈਂਡ ਨੂੰ 7 ਨਾਲ ਹਰਾ ਕੇ ਇਹ ਖ਼ਿਤਾਬ ਜਿੱਤ ਲਿਆ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਇੰਗਲੈਂਡ ਦੀਆਂ ਬੱਲੇਬਾਜ਼ ਭਾਰਤੀ ਗੇਂਦਬਾਜ਼ਾਂ ਦੇ ਖ਼ਤਰਨਾਕ ਪ੍ਰਦਰਸ਼ਨ ਦੇ ਸਾਹਮਣੇ ਟਿੱਕ ਨਹੀਂ ਸਕੀਆਂ ਤੇ 17.1 ਓਵਰ ‘ਚ ਆਲਆਊਟ ਹੋ ਕੇ 68 ਦੌੜਾਂ ਹੀ ਬਣਾ ਸਕੀਆਂ। ਇਸ ਤਰ੍ਹਾਂ ਇਂਗਲੈਂਡ ਨੇ ਇੰਡੀਆ ਨੂੰ ਜਿੱਤ ਲਈ 69 ਦੌੜਾਂ ਦਾ ਟੀਚਾ ਦਿੱਤਾ। ਇੰਗਲੈਂਡ ਵਲੋਂ ਕੋਈ ਵੀ ਕ੍ਰਿਕਟਰ ਲੰਬੀ ਪਾਰੀ ਖੇਡਣ ‘ਚ ਅਸਫਲ ਰਹੀਆਂ। ਇੰਗਲੈਂਡ ਵਲੋਂ ਰੀਆਨਾ ਮੈਕਡੋਨਲਡ ਨੇ ਸਭ ਤੋਂ ਵੱਧ 19 ਦੌੜਾਂ ਬਣਾਈਆਂ। ਇਸ ਤਰ੍ਹਾਂ ਬਾਕੀ ਬੱਲੇਬਾਜ਼ਾਂ ‘ਚ ਕਪਤਾਨ ਗ੍ਰੇਸ ਸਕ੍ਰੀਵੇਂਸ 4 ਦੌੜਾਂ, ਅਲੈਕਸਾ ਸਟੋਨਹਾਊਸ 11 ਦੌੜਾਂ, ਸੋਫੀ ਸਮਾਲੇ 11 ਦੌੜਾਂ ਤੇ ਨਿਆਮਾ ਹੌਲੈਂਡ ਨੇ 10 ਦੌੜਾਂ ਬਣਾਈਆਂ। ਇੰਡੀਆ ਵੱਲੋਂ ਟਿਟਾਸ ਸਾਧੂ ਨੇ 2, ਅਰਚਨਾ ਦੇਵੀ ਨੇ 2, ਪਰਸ਼ਵੀ ਚੋਪੜਾ ਨੇ 2, ਮਨੰਤ ਕਸ਼ਯਪ ਨੇ 1, ਸ਼ੈਫਾਲੀ ਵਰਮਾ ਨੇ 1 ਤੇ ਸੋਨਮ ਯਾਦਵ ਨੇ 1 ਵਿਕਟਾਂ ਲਈਆਂ। ਇੰਡੀਆ ਨੇ ਇੰਗਲੈਂਡ ਵੱਲੋਂ ਮਿਲੇ ਇਸ ਆਸਾਨ ਟੀਚੇ ਨੂੰ 14 ਓਵਰਾਂ ‘ਚ 3 ਵਿਕਟਾਂ ਦੇ ਨੁਕਸਾਨ ‘ਤੇ 69 ਦੌੜਾਂ ਬਣਾ ਕੇ ਹਾਸਲ ਕਰ ਲਿਆ। ਇੰਡੀਆ ਵੱਲੋਂ ਸ਼ੇਫਾਲੀ ਵਰਮਾ 15 ਦੌੜਾਂ ਤੇ ਸ਼ਵੇਤਾ ਸਹਿਰਾਤਵ 5 ਦੌੜਾਂ ਤੇ ਗੋਨਕਡੀ ਤ੍ਰਿਸ਼ਾ 24 ਦੌੜਾਂ ਬਣਾ ਆਊਟ ਹੋਈਆਂ। ਇਸ ਤੋਂ ਬਾਅਦ ਸੋਮਿਆ ਤਿਵਾਰੀ ਨੇ 24 ਦੌੜਾਂ ਬਣਾ ਖ਼ਿਤਾਬ ਨੂੰ ਇੰਡੀਆ ਦੀ ਝੋਲੀ ਨੂੰ ਪਾ ਦਿੱਤਾ। ਇੰਗਲੈਂਡ ਵਲੋਂ ਹਨਾਹ ਬੇਕਰ ਨੇ 1 ਤੇ ਗ੍ਰੇਸ ਸਕ੍ਰੀਵੇਂਸ ਨੇ 1 ਤੇ ਐਲੇਕਸਾ ਸਟੋਨਹਾਊਸ ਨੇ 1 ਵਿਕਟ ਲਈਆਂ।
