ਫੀਫਾ ਵਰਲਡ ਕੱਪ 2022 ਦਾ ਫਾਈਨਲ ਮੈਚ 18 ਦਸੰਬਰ ਨੂੰ ਖੇਡਿਆ ਜਾਵੇਗਾ। ਫਾਈਨਲ ਮੈਚ ‘ਚ ਭਾਰਤੀ ਅਦਾਕਾਰਾ ਦੀਪਿਕਾ ਪਾਦੁਕੋਣ ਨੂੰ ਖ਼ਾਸ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਦੀਪਿਕਾ ਪਾਦੁਕੋਣ ਫਾਈਨਲ ਮੈਚ ਦੀ ਟਰਾਫੀ ਦੀ ਘੁੰਡ ਚੁਕਾਈ ਕਰੇਗੀ। ਦੀਪਿਕਾ ਪਾਦੁਕੋਣ ਪਹਿਲੀ ਅਜਿਹੀ ਗਲੋਬਲ ਸਟਾਰ ਬਣ ਗਈ ਹੈ ਜਿਸ ਨੂੰ ਫੀਫਾ ਵਰਲਡ ਕੱਪ 2022 ਦੇ ਫਾਈਨਲ ਮੈਚ ਦੀ ਟਰਾਫੀ ਦੀ ਘੁੰਡ ਚੁਕਾਈ ਲਈ ਚੁਣਿਆ ਗਿਆ ਹੈ। ਦੀਪਿਕਾ ਪਾਦੁਕੋਣ ਹੁਣ ਇੰਡੀਆ ਹੀ ਨਹੀਂ ਬਲਕਿ ਪੂਰੀ ਦੁਨੀਆ ‘ਚ ਜਾਣੀ ਜਾਂਦੀ ਹੈ। ਦੀਪਿਕਾ ਪਾਦੁਕੋਣ ਹਾਲੀਵੁੱਡ ਦੀਆਂ ਫਿਲਮਾਂ ‘ਚ ਵੀ ਕੰਮ ਕਰ ਚੁੱਕੀ ਹੈ। ਹੁਣ ਦੀਪਿਕਾ ਫੀਫਾ ਵਰਲਡ ਕੱਪ 2022 ਦੇ ਫਾਈਨਲ ਮੈਚ ਲਈ ਕਤਰ ਪਹੁੰਚੇਗੀ। ਇਸ ਦੇ ਨਾਲ ਹੀ ਇਥੇ ਪਹੁੰਚ ਕੇ ਦੀਪਿਕਾ ਫੀਫਾ ਵਰਲਡ ਕੱਪ ਟਰਾਫੀ ਦੀ ਘੁੰਡ ਚੁਕਾਈ ਕਰੇਗੀ। ਹਾਲਾਂਕਿ ਇਸ ਨੂੰ ਲੈ ਕੇ ਅਜੇ ਤਕ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਪਰ ਮੀਡੀਆ ਰਿਪੋਰਟਾਂ ਮੁਤਾਬਕ ਦੀਪਿਕਾ ਦਾ ਨਾਂ ਲੱਗਭਗ ਤੈਅ ਹੋ ਗਿਆ ਹੈ। ਦੀਪਿਕਾ 18 ਦਸੰਬਰ ਤੋਂ ਪਹਿਲਾਂ ਹੀ ਕਤਰ ਲਈ ਰਵਾਨਾ ਹੋ ਜਾਵੇਗੀ। ਹਾਲ ਹੀ ‘ਚ ਫੀਫਾ ਮੁਕਾਬਲੇ ਤੋਂ ਪਹਿਲਾਂ ਨੋਰਾ ਫਤੇਹੀ ਨੇ ਵੀ ਇਥੇ ਪ੍ਰਦਰਸ਼ਨ ਕੀਤਾ ਸੀ। ਦੀਪਿਕਾ ਨੂੰ ਇਸ ਤੋਂ ਪਹਿਲਾਂ ਕਾਨਸ ਫੈਸਟੀਵਲ ‘ਚ ਜਿਊਰੀ ਮੈਂਬਰ ਵੀ ਬਣਾਇਆ ਗਿਆ ਸੀ।
