ਇੰਡੀਆ ਦੀ ਲਾਅਨ ਬਾਲ ਟੀਮ ਨੇ ਜਿੱਤਿਆ ਗੋਲਡ

ਇੰਡੀਆ ਦੀ ਮਹਿਲਾ ਲਾਅਨ ਬਾਲ ਟੀਮ ਨੇ ਮੰਗਲਵਾਰ ਨੂੰ ਰਾਸ਼ਟਰਮੰਡਲ ਖੇਡਾਂ 2022 ਦੇ ਫਾਈਨਲ ਮੈਚ ’ਚ ਦੱਖਣੀ ਅਫਰੀਕਾ ਨੂੰ ਹਰਾ ਕੇ ਦੇਸ਼ ਨੂੰ ਖੇਡਾਂ ਦਾ ਪਹਿਲਾ ਰਾਸ਼ਟਰਮੰਡਲ ਸੋਨ ਤਗ਼ਮਾ ਦਿਵਾਇਆ। ਲਵਲੀ ਚੌਬੇ, ਰੂਪਾ ਰਾਣੀ ਟਿੱਕਰੀ, ਪਿੰਕੀ ਅਤੇ ਨਯਨਮੋਨੀ ਸੈਕੀਆ ਦੀ ਫੋਰਸ ਟੀਮ ਨੇ ਦੱਖਣੀ ਅਫਰੀਕਾ ਨੂੰ 17-11 ਨਾਲ ਹਰਾਇਆ। ਇੰਡੀਆ ਨੇ ਇਸ ਤੋਂ ਪਹਿਲਾਂ ਇਸ ਮੁਕਾਬਲੇ ’ਚ ਇਕ ਵੀ ਤਗ਼ਮਾ ਨਹੀਂ ਜਿੱਤਿਆ ਸੀ। ਦੱਖਣੀ ਅਫਰੀਕਾ ਤਿੰਨ ਸਿਰੇ ਦੇ ਅੰਤ ’ਚ 2-1 ਨਾਲ ਅੱਗੇ ਸੀ, ਪਰ ਇੰਡੀਆ ਨੇ ਚੌਥੇ ਸਿਰੇ ਦੇ ਅੰਤ ’ਚ 2-2 ਨਾਲ ਬਰਾਬਰੀ ਕਰ ਲਈ ਅਤੇ ਕਦੇ ਪਿੱਛੇ ਮੁਡ਼ ਕੇ ਨਹੀਂ ਦੇਖਿਆ। ਹਰ ਸਿਰੇ ਨਾਲ ਇੰਡੀਆ ਨੇ ਆਪਣੀ ਬਡ਼੍ਹਤ ਨੂੰ ਵਧਾਇਆ। ਸੱਤ ਅੰਤ ਤੱਕ ਇੰਡੀਆ ਨੇ 8-2 ਦੀ ਬਡ਼੍ਹਤ ਬਣਾ ਲਈ ਸੀ। ਦੱਖਣੀ ਅਫਰੀਕਾ ਨੇ ਫਿਰ ਅਗਲੇ ਚਾਰ ਦੌਰ ’ਚ ਅੱਠ ਅੰਕ ਲੈ ਕੇ ਵਾਪਸੀ ਕੀਤੀ ਅਤੇ 11ਵੇਂ ਅੰਤ ’ਚ ਦੱਖਣੀ ਅਫਰੀਕਾ ਨੇ ਇੰਡੀਆ ’ਤੇ 10-8 ਦੀ ਬਡ਼੍ਹਤ ਬਣਾ ਲਈ। ਮੈਚ ਹੱਥੋਂ ਨਿਕਲਣ ਤੋਂ ਪਹਿਲਾਂ, ਭਾਰਤੀ ਮਹਿਲਾਵਾਂ ਨੇ 12ਵੇਂ, 13ਵੇਂ ਅਤੇ 14ਵੇਂ ਅੰਤ ’ਚ ਸੱਤ ਅੰਕਾਂ ਦੀ ਵੱਡੀ ਛਾਲ ਮਾਰ ਕੇ ਦੱਖਣੀ ਅਫਰੀਕਾ ਨੂੰ 15-10 ਨਾਲ ਹਰਾ ਦਿੱਤਾ। 15ਵੇਂ ਅਤੇ ਆਖ਼ਰੀ ਅੰਤ ’ਚ ਦੱਖਣੀ ਅਫਰੀਕਾ ਨੂੰ ਜਿੱਤ ਲਈ ਛੇ ਅੰਕ ਹਾਸਲ ਕਰਨੇ ਸਨ ਪਰ ਅਜਿਹਾ ਨਹੀਂ ਹੋ ਸਕਿਆ ਅਤੇ ਇੰਡੀਆ ਨੇ ਆਪਣੇ ਸਕੋਰ ’ਚ ਦੋ ਹੋਰ ਅੰਕ ਜੋਡ਼ ਕੇ ਮੈਚ 17-10 ਨਾਲ ਜਿੱਤ ਲਿਆ।